Ekonomiya lumago, bilihin mataas pa rin
Binabasa ko ang balita sa Pilipino Star NGAYON na nagsasabing tumaas ng 9.5 percent ang ekonomiya. Biglang dumating si Misis mula sa talipapa na nagrereklamong mataas ang presyo ng isda.
What else is new? Iyan naman palagi ang narinig ko sa kanya at siguro, iyan din ang daing nang marami pang ginang ng tahanang hirap na sa pagba-budget.
Ang lapulapu ay P500, torcillo at matang-baka ay P350 ang kilo. Mabuti at may mura pang isdang tilapia na P150 ang kada kilo.
Masayang ibinalita ni Presidente Marcos ang paglago ng ekonomiya sa ikatlong quarter ng taong ito na mas mataas ng 4.3 percent kaysa ikalawang quarter.
Siniguro ni Marcos na pursigido ang kanyang administrasyon na maisulong ang Philippine Development Plan upang marating ang target na umunlad ang kabuhayan ng bansa.
Para kay National Economic and Development Authority director Arsenio Balisacan, sa kabila ng mga problemang kinakaharap ng daigdig sa ngayon. Pero ang tanging sukatan ng mga ordinaryong mamamayan ay iisa lang.
Ito ay ang dami ng nabibili ng kanilang pera. Kung mahal ang bilihin, kaunti ang nabibili kaya naghihigpit ng sinturon ang mamamayan. Pero dapat unawain ang gobyerno.
Alam kong ginagawa nito ang lahat upang masolusyunan ang problema dangan nga lang at may mga pandaigdig na dahilan na nakaaapekto sa presyo ng bilihin.
- Latest
