EDITORYAL - Sleep cells
![EDITORYAL - Sleep cells](https://media.philstar.com/photos/2023/11/04/banattoon_2023-11-04_03-15-40.jpg)
Ang Philippine National Police nisusi bahin sa posibilidad nga dunay mga "sleeper cells" dinhi sa Pilipinas.
Kaning sleeper cells mao ang mga sekretong gipuy-an o headquarters sa mga langyaw nga ahente o sundalo nga walay abiso o pahibalo sa nasud nga ilang target.
Sagad kanila nga espesyalista sa nagkalailaing kahibalo sa pagpanabotahi, magpakatap og misinformation, magtisok og kagubot ug uban pang kalihokang militar nga ang tumong pagmugna og kagubot, kalibog ug kahasol sa gobiyerno, political stability, ug sa populasyon.
Magmugna mugna sila og mga pamahayag nga dili tinuod aron gubaon ang kahiusahan sa populasyon aron di na mosalig sa mga lider sa nasud ug ang politikal nga estraktura.
Apil niini ang pag sabotahe sa mga vital installations sama sa komunikasyon, mga power plants, kampo sa militar, mga pantalan, tugpahanan ug daghan pang uban nga makaapektar sa paspas nga reaksyon sa militar ug sa gobiyerno pag atubang sa hulga.
Preparasyon kini sa planong pagatake sa target nga nasud ug ning tungora sama sa mga nahitabo sa nangaging kalibutanong gubat.
Dinhi sa Pilipinas gisusi karon sa PNP kung naa niini dinhi karon.
Di mabasol ang PNP nganong ilaha kining gibuhat tungod kay naay tensyon karon sa West Philippine Sea ug naay matud pa lapad nga misinformation dissimilation nga nabantayan sa nasud aron pagkutaw sa opinyon sa mga Pilipino bahin sa relasyon sa duha ka nasud.
Ang misinformation naglakip sa pagkumbinsir sa mga tawo nga husto lang ug dili ilegal ang gipanghimo sa China sa WPS.
- Latest