Pinas, panig sa Israel
Bilang isang Kristiyanong bansa, dapat lang na nasa panig tayo ng Israel na ngayo’y ginigiyera ng Palestinians sa pamamagitan ng teroristang Hamas. Tanggapin man ito o hindi ng iba, ang ugat ng sigalot ay relihiyon.
Sinabi na nang tahasan ni Presidente Marcos na sa nagaganap na digmaan, tayo ay kakampi sa Israel, ang bansang sinilangan ni Panginoong Hesukristo. Sa salitang Hebreo na gamit sa Israel, ang Hamas ay nangangahulugan ng karahasan. Ang mga nangyayari ngayon sa Israel ay nakapropesiya na sa Lumang Tipan ng Bibliya.
Ang nangungunang kalaban noon ng mga Israeli ay mga Philistines na nagtatangkang agawin ang lupain ibinigay ng Diyos sa Israel. Ang mga Philistines ay kilala ngayon bilang Palestinians.
Kaya hanggang ngayon, nagpapatuloy ang pagtatangkang palayasin ang mga Israeli sa maliit na lupaing ibinigay ng Diyos. Sa matagal na panahon, naitaboy ang mga Israeli sa iba’t ibang panig ng mundo pero kinasihan pa rin sila ng Diyos at nakabalik sa tinatawag na lupang pangako.
Ngunit sa kabila nito, lagi itong inaatake ng Palestinians na lagi rin namang nabibigo dahil ang kakampi ng Israel ay ang Diyos. Sabi ng Salita ng Diyos “if God is for you, who can be against you?”
Maliit na bansa ang Israel na nasa gitna ng mga hostile nations. Pero ito ay malakas at laging panalo sa labanan. Patuloy nating ipanalangin ang bansang ito. Kahit pa kakampi nito ang Diyos, tayong mga nananampalataya kay Kristo ay dapat magkaisa sa panalangin.
- Latest
