Dry eyes: Parang may puwing lagi
Ang dry eyes ay karaniwang sakit ng mga nagkakaedad. Narito ang mga sintomas ng dry eyes:
• Masakit, mahapdi na parang may puwing lagi.
• Pagkakaroon ng iritasyon sa usok at hangin.
• Pagkapagod ng mga mata, pagkatapos magbasa.
• Pagiging sensitibo sa ilaw.
• Pagluluha.
• Malabong paningin lalo na sa gabi.
Mga payo para mabawasan ang dry eyes:
• Subukang bumili ng mga over-the-counter na artificial tears pang-dry eyes. Huwag gumamit ng mga eye drops na pang-alis ng pamumula sapagkat palalalain nito ang sintomas.
• Iwasang ma-expose ang mga mata sa nakatutok na hangin tulad ng electric fan, air condition o heater. Huwag idirekta sa mata ang hair dryers.
• Ang sadyang pagkurap-kurap ng mga mata ay nakatutulong para kumalat ang mga luha sa palibot ng mata.
• Iwasang kusutin ang mga mata.
• Magsuot ng sunglasses sa tuwing mahangin sa labasan. Kung may plano mag-swimming, gumamit ng goggles.
• Huwag manigarilyo at iwasan makalanghap ng amoy ng sigarilyo. Iwasan ang iba’t ibang uri ng usok, tulad ng polusyon, pag-ihaw at pag-siga.
• Kumunsulta sa doktor kung patuloy ang paglala ng kondisyon ng mga mata. Ang ophthalmologist ay maaaring magreseta ng iba pang gamot.
- Latest
