Laging iba-iba ang swerte ng tao
May nagtatagumpay at may nabibigo;
May’rong nasasawi sa kanyang pagsuyo
May nagtatagumpay sa kanyang pagsamo!
Kung palaging bigo sa mga hakbangin --
Darating ang araw magtatagumpay din;
Kailangan lamang tapat na damdamin
Upang ang tagumpay makayang abutin!
Katulad ng ngayon hanap ay trabaho
Kung kulang sa sikap tiyak mabibigo;
Tapat na hangaring nasa kanyang puso
Magandang trabaho tiyak matatamo!
Katulad ng ibon na lipad nang lipad
Hindi niya alam kung saan tatahak;
Isang namamaril ng ibon sa gubat --
Tiyak mag-uuwi ng ibon sa anak!