Marami sa ating mga kababayan
sapagka’t kriminal ay sobra ang tapang;
Ang mga karnaper target ay sasakyan
owner ng sasakyan agad pinapaslang!
Ang katulad nila’y mga magnanakaw
tinatawag nating mga akyat bahay;
Kahi’t nasa loob ang may-ari ng bahay
matanda at bata pawang pinapatay!
Sana naman sana huwag nang patayin
ang mga biktima ng kanilang krimen;
Ang buhay ng tao pag siyang nagmaliw
mga buhay nila hantunga’y malibing!
Pera’t kagamitan, alahas iba pa
okey mga iyan ay pwedeng makuha;
Subalit ang buhay lubhang mahalaga
di mo mabibilang luha ng pamilya!
Kung kayo’y kriminal – binabasa ito
maging mahinahon sa inyong opisyo;
Kunin ang sasakyan buhayin ang tao
kung kayo’y madakip ay mabibilanggo!
Subalit kung kayo’y masyadong pusakal
at buhay ng tao’y inyong inuutang –
Bukod sa makulong kayo’y mabibitay
pamilya’t kaanak lalaging luhaan!
Ang ating hustisya saka mga batas
sa araw at gabi kayo’y hinahanap;
Karnaper, holdaper kayo’y walang ligtas
sa nagawang sala kayo’y magbabayad!