Sunog sa Quezon City: Senior, patay

MANILA, Philippines — Patay ang senior citizen na babae matapos ma-trap sa loob ng kanyang bahay na nilalamon ng apoy kahapon ng umaga sa Quezon City.

Sa inisyal na imbestigasyon ng Bureau of Fire Protection, nagsimula ang sunog ng alas-9:14 ng umaga sa ikalawang palapag ng 2 storey residential house at mabilis na kumalat ang apoy sa Barangay Old Balara, ng nabanggit na lungsod.

Isang senior citizen ang sinasabing nakulong sa sunog habang nagtamo ng 2nd degree burn si Rolly Guiruela, 40.

Sinasabing nakalabas na ng bahay ang biktima subalit binalikan ang kanyang gamit sa loob hanggang sa hindi na nakalabas.

Matapos ang sunog, natagpuan ang bangkay ng isang 69-anyos biktima sa mga natupok na kagamitan.

Alas-10:49 nang ideklarang fireout ang sunog.

Inaalam pa ng BFP ang pinagmulan ng sunog.