Taas-presyo ng petrolyo, sisipa ulit sa sunod na lingo

MANILA, Philippines — Makakaranas na naman ng pagtaas ng ­pre­s­­yo ng mga produktong petrolyo sa susunod na linggo.

Ito ay makaraang mag-abiso ang mga kompanya ng langis na magkakaroon ng mula 40 centavos hanggang 70 centavos na taas sa kada litro ng gasolina, 75 centavos hanggang P1 taas sa kada litro ng diesel at 70 centavos hanggang 80 centavos na taas sa kada litro ng kerosene.

Ito na ang ikalwang sunod na oil price hike ngayong taon, makaraang magpatupad ng dagdag-presyo sa petrolyo ang mga oil companies sa pagpasok ng 2025, noong January 1.

Sinasabing ang galaw sa presyuhan ng petrolyo sa world market ang ugat nang oil price increase.

Tuwing Martes ipinatutupad ang oil price adjustment.