Valenzuela City naglagay ng mga lugar para sa firecrackers, fireworks displays

MANILA, Philippines — Para sa kaligtasan ng publiko, naglaan ng firecrackers at fireworks display zones ang Valenzuela City habang papatawan naman ng multa ang mga pasaway.

Ayon sa Valenzuela LGU, makikita ang mga firecrackers at fireworks display zone sa kanilang facebook page.

Sinabi ni Mayor Wes Gatchalian na kaligtasan ng publiko ang kanilang priyoridad kaya naglabas na sila ng listahan ng mga firecracker zones.

Una nang sinabi ng Philippine National Police-Civil Security Group (PNP-CSG) na nasa 28 ang mga ipinagbabawal na paputok kabilang ang  Watusi, Piccolo, Five Star (Bog) at Pla-Pla.

Umapela rin ang PNP sa publiko na iwasang magpaputok sa mga residential areas sa pagsalubong sa  Bagong Taon upang maiwasan ang disgrasya.