2 namemeke ng OR/CR, timbog

MANILA, Philippines — Timbog sa mga ahente ng Land Transportation Office (LTO)  at  Criminal Investigation and Detection Group Quezon City Police District Field Unit (CIDG-QCPDFU) ang dalawang  suspek na umano’y gumagawa ng mga pekeng motor vehicle documents  sa ginawang operasyon sa  Prima Building kanto ng Magalang St at East Avenue,  Barangay Pinyahan  QC.

Kinilala ang mga suspek na sina  Cherry Ann Imperial, 36 ng  Novaliches, Quezon City at  Crispolo Hermida, 54 ng Montalban, Rizal.

Nakuha mula sa mga ito ang  marked money na gamit sa  entrapment, falsified OR/CR,  laptop, printer at isang  mobile phone.

Ang pagkakahuli sa dalawa ay ginawa nang makumpirmang may malawakang  fabrication at  printing ng mga pinekeng   Official Receipts at Certificate of Registrations ng mga sasakyan.

“We have intensified our intelligence monitoring against fixers and those engaged in illegal activities involving LTO documents, as well as those manufacturing fake license plates. And through this, we were able to identify a person engaged in fabrication of OR/CR and his location,” ayon kay LTO Chief Vigor  Mendoza.

Lumilitaw na  miyembro ng  Cris Falsification Group ang mga suspek na may kinalaman sa pamemeke at pagbebenta ng pinekeng  private at  public documents tulad ng OR /CR ng sasakyan.

Ang mga suspek ay nakakulong na sa  CIDG-QCPDFU office sa  Camp Karingal.