PCG, naka-heightened alert sa Undas
MANILA, Philippines — Naka-heightened alert ang pamunuan ng Philippine Coast Guard (PCG) sa buong bansa ngayong panahon ng Undas.
Alinsunod sa kautusan ni PCG Commandant Admiral Ronnie Gavan, sisimulan ang pagtataas ng alerto ng lahat ng operating units ng PCG, sa Oktubre 31 at magtatagal hanggang sa Nobyembre 3, 2024.
“PCG Districts, Stations, and Sub-Stations shall intensify the safety, security, reliability, and comfort of the riding public amid Undas 2024,” abiso ng PCG.
Nakatakda rin umanong maglagay ang Department of Transportation (DOTr) ng mga Malasakit Help Desks sa lahat ng pantalan, harbor, at iba pang public transport areas sa buong bansa upang magbigay ng kakailanganing tulong ng publiko.
Mayroon din umano silang mga nakaantabay na mga medical teams na handang tumugon sa panahon ng emergency at magsasagawa ng regular na pag-iinspeksiyon sa mga pantalan ang mga K9 units.
May mga nakaistasyon din silang mga PCG rescuers at lifeguards sa mga beaches, island resorts, at iba pang coastal vacation spots para sa seguridad at kaligtasan ng publiko na maaaring magtungo sa mga naturang lugar ngayong Undas.
- Latest