Dagdag na pondo mula sa international partners kailangan ng DA

MANILA, Philippines — Naghahanap ang Department of Agriculture (DA) ng karagdagang pondo mula sa mga international development partners upang matugunan ang mga hamon sa sektor ng agrikultura.

Ayon kay Agriculture Secretary Francisco P. Tiu Laurel Jr.  kinikilala ng DA ang limitadong resources ng gobyerno upang magsagawa ng mga pangunahing proyekto tulad ng mga dau­ngan, kalsada , tulay, at irigasyon na kailangan upang ga­wing moderno ang sektor ng agrikultura at mapabuti ang kita ng mga magsasaka at mangingisda.

Kabilang sa mga iminungkahing proyekto ng DA ay ang pagpapaunlad ng farm-to-market roads at mga tulay sa pakikipagtulungan sa French Government, at ang isang proyekto sa ilalim ng Program for Results ng World Bank upang magbigay ng karagdagang pondo para mapabilis ang mga inisyatibo ng DA.

Binigyang-diin din ni Sec. Tiu Laurel ang pakikipagtulungan ng DA sa National Irrigation Administration sa pagsusulong ng Philippine Solar-Powered Irrigation Project na may mala­king tulong upang mapalakas ang ani, at mapabuti ang kabuuang kalagayan ng sektor ng agrikultura sa Pilipinas.