Apartment sa Quezon City nasunog, estudyante patay
MANILA, Philippines — Isang 18-anyos na estudyante ang namatay matapos masunog ang tatlong unit ng apartment sa Quezon City kamakalawa ng umaga.
Inaalam pa ng Quezon City Fire Department (QCFD) ang pangalan ng biktima na isang lalaki.
Batay sa report ng QCFD, bandang alas- 9:14 ng umaga nang magsimula ang sunog sa ikalawang palapag ng No. 166-D Sct. Limbaga ext. Brgy. Sacred Heart Quezon City, na pagmamay-ari ng isang Gregorio Ortega. Hindi na kumalat pa ang apoy na tumupok sa tatlong unit sa 2 storey residential apartment dahil na rin sa ulan.
Sa imbestigasyon, umabot lamang na unang alarma ang sunog na tumupok sa mahigit P30,000 mga ari-arian.Nagsasagawa pa ng imbestigasyon ang mga awtoridad sa sanhi ng sunog na naapula bandangalas-10:03 ng umaga.
- Latest
