MANILA, Philippines — Pinagsasaksak hanggang sa mapatay ang isang supervisor ng kanyang katrabaho, kahapon ng umaga sa Caloocan City.
Nakuhanan ng CCTV ang biktima na pasakay na ng kanyang motorsiklo nang salubungin at harangin ng suspek at kapatid nito.
Ayon kay PCapt. Nelson Dizon, assistant chief ng Investigation and Detective Management Section ng Caloocan Police, paalis na ng opisina sa Llano Road, Caloocan City ang biktima nang mangyari ang insidente.
Unang hinarang ang biktima ng kapatid ng suspek hanggang dito na inundayan mismo ng saksak ang kanyang supervisor.
Sinasabing may nadiskubre umano ang biktima na ikinagalit ng suspek.
Nagtamo ng nasa 10 saksak sa iba’t ibang katawan ang biktima.
Alitan sa trabaho ang pinag-ugatan umano ng pananaksak.
Patuloy ang pagtugis ng pulisya sa suspek at sa kapatid nito.