P6.8 milyong shabu nakumpiska sa big-time ‘tulak’ sa Valenzuela
MANILA, Philippines — Himas rehas ang isang hinihinalang bigtime na tulak ng droga matapos na makumpiskahan P6.8 milyon halaga ng shabu sa isinagawang buy-bust operation sa Valenzuela City kahapon ng umaga.
Kinilala ni Valenzuela City Police chief PCol. Nixon Cayaban ang suspek na si alyas “Nash”, 44-anyos, ng Brgy. Parang, Maguindanao.
Batay sa report, nagkasa ng buy-bust operation laban sa suspek ang mga operatiba ng Philippine Drug Enforcement Agency (PDEA) RO-NCR Quezon City District Office, Police Sub-Station 1 at Station Drug Enforcement Unit (SDEU) ng Valenzuela Police Station alas-11:30 ng umaga sa Capt. Cruz corner Service Road, Brgy. Parada ng lungsod.
Nakumpiska sa suspek ang humigi’t kumulang 1,000 gramo o 1-kilo ng shabu na may halagang P6,800,000.
Mahaharap ang suspek sa kasong paglabag sa R.A. 9165 o Comprehensive Dangerous Drugs Act of 2002.
- Latest
