156 loose firearms nasamsam ng QCPD
MANILA, Philippines — Ang pagpapaigting ng kampanya laban sa loose firearms ang dahilan ng pagkakasabat ng 156 baril ng Quezon City Police District (QCPD).
Ito naman ang sinabi ni QCPD Director PBGen. Redrico A. Maranan kung saan nakumpiska ang mga loose firearms mula Enero hanggang Hunyo 2024.
Sa kasalukuyan, may kabuuang 145 na operasyon ang isinagawa, na nagresulta sa pagkakaaresto ng 147 indibidwal ng iba’t ibang istasyon at unit ng pulisya sa loob ng QCPD.
Batay sa record ng QCPD, nanguna sa operasyon ang Novaliches Police Station (PS 4) sa ilalim ni PLt. Col. Reynaldo Vitto, na nakakumpiska ng 20 baril na sinundan ng Payatas Bagong Silangan Police Station (PS 13) sa pamumuno ni PLt. Col. Leonie Ann Dela Cruz na may nasamsam na 18 baril at La Loma Police Station (PS 1) sa pamumuno ni PLt. Col. Romil Avenido na 14 na baril.
Bukod dito, nakumpiska ng Talipapa Police Station (PS 3) sa pamumuno ni PLt. Col. Resty Damaso ang 13 baril.
Panghuli, ang Batasan Police Station (PS 6) sa ilalim ni PLt. Col. Roldante Sarmiento na nakakumpiska naman ng 12 baril.
Ang matagumpay na operasyong ito ay binibigyang-diin ang dedikasyon ng QCPD sa pagtiyak ng kaligtasan at seguridad ng mga residente ng Quezon City.
- Latest
