Bagong insidente ng ‘kaltas-ayuda’ iniimbestigahan na ng DSWD
MANILA, Philippines — Iniimbestigahan na ng ng Department of Social Welfare and Development (DSWD) ang panibagong kaso ng pagkaltas sa cash assistance mula sa benepisyaryo ng ayuda mula sa ahensiya.
Batay sa report, isang umanoy coordinator na nagtatrabaho sa isang local official ang umanoy nagkaltas ng P9,300 mula sa P10,000 halaga financial assistance na natanggap ng tatlong beneficiaries ng Assistance to Individuals in Crisis Situation (AICS) sa Cagayan de Oro City
“Unang-una, napakalahaga na makuha natin talaga ang detalye ng insidente na ito, so we could make the necessary investigation. Pangalawa po, we treat this again as an isolated case dahil there’s only one complainant pertaining to the issue. Of course, we cannot generalize that this is happening in the entire region. But then again, of course, gaya ng nabanggit ko, gagawin po natin yung kaukulang imbestigasyon,” ani DSWD Assistant Secretary for Disaster Response Management Group (DRMG) at Spokesperson Irene Dumlao.
Sabi ni Dumlao makikipag-ugnayan ang ahensya sa Field Office nito sa Northern Mindanao, na siya ring nakikipag-usap sa mga complainants upang asistehan ang mga ito sa pagsasampa ng kaso laban sa mga suspek.
Nagbabalang muli si Dumlao sa mga gumagawa nang pagkaltas sa mga grants na tinatanggap ng AICS beneficiaries na kakasuhan ang mga ito kapag napatunayang totoo ang bintang sa kanila.
- Latest
