Warehouse sa Valenzuela na may Chinese flag, pinadlak
MANILA, Philippines — Ipinasara ng Valenzuela City government ang isang bodega sa Barangay Bignay na kinakitaan ng watawat ng China matapos na madiskubreng wala itong business permit.
Ayon kay Valenzuela City Mayor Wes Gatchalian, agad niyang inutos ang pagpa-padlock sa STR Power Equipment Corp bunsod ng kawalan ng Mayor’s at business permit.
Napag-alamang nagsagawa ng inspeksiyon ang Valenzuela LGU kasunod ng ulat ng paglalagay ng watawat ng China ng nasabing establisimyento.
Ani Gatchalian, paglabag ito sa Section 34 (h) of Republic Act No. 8491, also known as the Flag and Heraldic Code of the Philippines.
Nabuking din sa inspeksyon na bukod sa kumpanyang STR, may dalawa pang kompanya ang nag-ookupa sa compound na dayuhan ang mga empleyado.
Bineberipika na ng City Hall kung may working visas ang mga naturang dayuhan.
Una nang ikinatuwiran ng nasabing korporasyon na ginagamit lamang nila ang nasabing watawat sa mga kalapati at may isang taon na itong nakataas.
- Latest
