MANILA, Philippines — Pinayuhan ng Metropolitan Manila Development Authority (MMDA) ang mga motorista na gumamit ng mga alternatibong ruta ngayong weekend dahil sa isasagawang road reblocking at repairing Department of Public Works and Highways (DPWH) sa ilang pangunahing lansangan sa Metro Manila.
Simula alas-11:00 ng gabi ng Mayo 17 hanggang alas-5:00 ng umaga sa Mayo 20, apektado ng nasabing aktibidad ang Regalado Avenue (NB), patungo sa North Caloocan, Caloocan City; Regalado Avenue (NB), outer lane patungong North Caloocan, Caloocan City; Susano Road Novaliches, sa pagitan ng Heavenly Dr. at Joyville Dr., Quezon City; G. Araneta Avenue, Mauban St. hanggang Sto. Domingo Ave., 2nd lane mula sa bangketa, QC; Congressional Ave. Exit, sa tapat ng Diamond Square Bldg. Truck Lane, QC; Payatas Road, Batasan Road hanggang Bayanihan Street/Samar Street hanggang Leyte Street, Inner Lane, QC; Commonwealth Avenue, Luzon Avenue hanggang Central Ave., 4th lane mula sa bangketa, QC; North Avenue (NB), bago mag-Senator Miriam P. Defensor-Santiago Ave., 2nd lane mula sa bangketa, QC; Sto. Domingo Avenue, Simon Street hanggang Atok Street, 1st lane mula sa bangketa, Quezon City; Tandang Sora Avenue, mula corner Commonwealth Ave. hanggang Road 1, QC; southbound (SB) J.P Rizal Avenue hanggang Orense, sa pagitan ng Cloverleaf at Bernardino St., Makati City; Fairview Ave., Regalado hanggang Quirino Hi-way, 2nd lane mula sa bangketa, Quezon City; EDSA (SB), malapit sa L. Woods Street, Pasay City; Taft Avenue, Quirino Avenue hanggang MRT Baclaran (Inner Lane), Pasay City; Roxas Blvd., (SB) pagkatapos ng Roxas Blvd. EDSA Flyover (1st lane), Parañaque City; at SSH East Service Road papuntang C-5 Road sa harap ng Taguig City Police Station sa Taguig City.