5 PNP senior officers, binalasa
MANILA, Philippines — Muling nagpatupad ng balasahan ang Philippine National Police (PNP) kung saan limang senior officials ang binigyan ng bagong puwesto.
Sa inilabas kautusan ni PNP chief Gen.Rommel Francisco Marbil, itinilaga si dating Caraga Region Police Regional OffIce (PRO) Director Police Brig Gen. Eleazar Matta bilang bagong Director ng Philippine Drug Enforcement Group (PDEG).
Itinalaga naman si dating PDEG Director Brig. Gen. Dionisio Bartolome, bilang hepe ng Personnel Holding and Accounting Unit, Directorate for Personnel and Records Management (PHAU-DIDM).
Bagong Director naman ng Civil Security Group (CSG) si Maj. Gen. Edgar Alan Okubo na dating Directorate for Police Community Relations (DPCR) habang tinanggal naman bilang Director ng PNP-Maritime Group (MG) si Brig. General Romaldo Bayting at itinalaga bilang bagong hepe ng Area Police Commander-Western Mindanao (APC-WM).
Si Police Brig. General Cabal na dating nakatalaga sa Philippine National Police Academy (PNPA) at itinalaga bilang bagong Director ng PNP-MG.
Epektibo ang nasabing balasahan ngayong Lunes Mayo 6, ayon pa sa dokumento.
- Latest
