Presyo ng gasolina at diesel, muling tataas

MANILA, Philippines — Tataas na naman ang presyo ng gasolina at diesel sa susunod na linggo.

Ayon sa oil industry, aabutin ng 65 centavos hanggang 85 centavos ang itataas sa kada litro sa presyo ng gasolina at tataas naman ng 45 centavos hanggang 65 sentimos ang presyo ng diesel kada litro.

Wala namang inaasahang pagbabago sa presyo ng kerosene o maaari rin umanong bumaba ang presyo nito ng 10 centavos kada litro.

Sinasabing ang galaw ng petrolyo sa nagdaang apat na araw na oil trading ang ugat ng taas ng presyo ng diesel at gasolina.

Tuwing martes naipatutupad ang oil price adjustment.