Traders sa Embo barangays Inabisuhang irehistro na ang mga negosyo sa Taguig

MANILA, Philippines — Naglabas na ang pamahalaang lungsod ng Taguig ng mga alituntunin, kinakailangan, at hakbang para sa pagrehistro at pagpalit ng business permits para sa mga businesses mula sa mga EMBO areas.

Ang Taguig BPLO ay tumatanggap ng mga registration at payments ng business taxes para sa taong 2023 ng Embo businesses. Kabilang sa mga pinahahanda  sa mga business owners ang mga sumusunod na requirements: Application Form; Current Makati Business Permit; Latest Official Receipt; 2x2 Formal picture ng owner (Single proprietor) o logo (Corporation); Location Sketch; 3R picture ng exterior ng establishment saka magbabayad ng outstanding business taxes.

Ang Taguig BPLO ay nagbibigay din ng replacements o pagpalit ng Makati Business Permits sa Taguig Business Permits para sa mga businesses na nakapagbayad ng kanilang 2023 business taxes.

Hinihikayat ng Taguig ang lahat ng EMBO business owners na i-secure ang kanilang Taguig Business permits bago matapos ang taon upang maiwasan ang pag-proseso nito sa renewal period sa Enero 2024 kung saan nagiging mahaba ang pila para sa payment at renewal ng permits.