170 piraso ng UXO, nadiskubre sa Pasig
MANILA, Philippines — Nadiskubre ng mga manggagawa sa isang construction site sa Brgy. Manggahan sa Pasig City ang nasa 170 piraso ng unexploded ordnance (UXO), nabatid kahapon.
Ayon kay PCol. Gideon Ines, Deputy Chief ng Pasig City Police, ang mga UXO ay nadiskubre ng mga backhoe operator, habang naghuhukay sa isang construction site ng isang condo building noong Martes.
Sinisimulan pa lang umano ang proyekto at naghuhukay ang contractor nang madiskubre ang mga UXO noong Setyembre 15 ngunit Setyembre 19 lamang nang inireport ito sa pulisya.
Kaagad namang ikinustodiya ng regional headquarters ng explosive unit sa Bicutan ang mga UXO at maghahanap pa ng lugar kung saan maaaring pasabugin ang mga ito.
Noong Huwebes ng umaga naman ay may 30 UXO na nadiskubre na kinuha lamang nitong Biyernes.
- Latest
