Manila Central Post Office, nasunog
MANILA, Philippines — Nilamon ng apoy ang malaking bahagi ng Manila Central Post Office na nag-umpisa bago maghatinggabi nitong Linggo sa basement nito,
Sa ulat ng Bureau of Fire Protection- Manila Fire Department, dakong alas-11:41 ng gabi nang ideklara ang unang alarma. Ngunit nahirapan ang mga bumbero na maapula ang apoy hanggang sa umabot ang alarma sa General Alarm dakong alas-5:54 ng Lunes ng madaling araw.
Nangangahulugan ang general alarm na kailangang rumesponde ng lahat ng available na mga fire trucks para apulain ang apoy.
Dakong alas-7:22 na ng umaga nang magdeklara ang BFP ng Fire under control makaraan ang halos pitong oras.
Nasa pito katao ang iniulat na nasugatan sa insidente, habang aabot sa P300 milyon ang napinsala sa sunog,
Sa paunang imbestigasyon, isang stay-in staff na natutulog sa opisina ang nagising nang kumalat ang makapal na usok at saka sila humingi ng responde sa mga bumbero.
Ayon kay Mark Laurente, chief of staff ng postmaster general, nag-umpisa ang apoy sa basement ng soutside ng gusali kung saan naroroon ang maintenance room at storage room kung saan nakaimbak ang mga papel at wood materials.
Pinaniniwalaang ang mga sulat , parcels at ang buong stamp collection ng ahensya ang nadamay din sa sunog.
Apektado rin ang mga ilang mga Philippine National IDs (PhilsIDs) na nakatakda na sanang ideliber sa Maynila ang naapektuhan rin sa naganap na sunog.Matapos ang oprihinal nitong pagkakatag noong 1926, ang post office ay ikinokonsiderang ‘gradiest building’ sa Maynila na nawasak din dahil sa naganap na WW II at muling itinayo noong 1946
Related video:
- Latest
