Pagsusuot ng mandatory face mask pag-iisipan - Marcos
![Pagsusuot ng mandatory face mask pag-iisipan - Marcos](https://media.philstar.com/photos/2023/05/01/voluntary-mask-mandate_2023-05-01_21-41-18.jpg)
MANILA, Philippines — Sa gitna nang tumatas na kaso ng COVID-19 ay pag-iisipan ng gobyerno ang posibleng pagbabalik ng mandatory na pagsusuot ng face mask at umaasa ang gobyerno na hindi na tumaas pa ang kaso ng COVID-19.
“We might have to think about it (mandatory na pagsusuot ng facemask kung talagang… But ang ating -ako ang tinitingnan ko is because although ‘yung rate of increase lumalaki, ang baseline natin na sinimulan eh maliit lang so hopefully we’re still ano we’re still going to be able to do it,” Ayon kay Pangulong Ferdinand “Bongbong” Marcos Jr. sa panayam ng media habang sakay ng PR 001 patungong Amerika.
Sinabi rin Marcos na lumalabas na dapat muling i-push ang pagbabakuna para mabawasan ang nagkakaroon ng impeksiyon lalo na sumasabay pa ang mainit na panahon.
“But it looks like, we will have to conduct again, especially for young people, we’ll have to conduct again a vaccination push para mabawasan na ‘yan, para mabawasan ‘yan especially with people being a little bit, shall we say, nahihirapan na nga eh dahil sa init,” ani Marcos.
Idinagdag ni Marcos na titingnan din ang opinyon ng Inter-Agency Task Force at ng Department of Health tungkol sa mandatory na pagsusuot ng face mask.
“So we’ll look at it. Tingnan natin kung may guidance ang IATF, may guidance ang DOH. I think I hope we don’t have to but we might but I hope not,” ani Marcos.
Nauna nang sinabi ni DOH officer-in-charge Maria Rosario Vergeire na ang pagtaas ng positivity rate ay dahil sa ilang salik factors, kabilang ang mobility ng populasyon tuwing holidays gayundin at ang bilang ng mga taong kumukuha ng COVID-19 test.
- Latest