Taas-presyo sa gasolina, kerosene, rollback sa diesel

MANILA, Philippines — Lalarga ngayon ngayong araw ng Martes, ang taas-presyo sa gasolina at kerosene, samantalang may bawas-presyo naman sa halaga ng diesel.

Ito ay dahil sa epekto ng biglaang  production cut  na ginawa ng  Organization of the Petroleum Exporting Countries (OPEC) sa halaga ng produktong petrolyo.

Ayon sa  Pilipinas Shell Petroleum Corp. at Seaoil Philippines Corp., itataas nila ng P0.10 ang halaga ng gasolina at kerosene kada litro pero,  bababa naman ng   P0.40 sa kada litro  ng diesel.

Ayon sa Cleanfuel, ganito rin ang kanilang ipatutupad na price adjustment sa diesel at gasolina pero hindi kasama ang kerosene.

Alas-6 ng umaga ngayong araw ng Martes April 18  ang pagpapatupad ng price adjustment sa produktong petrolyo ng  naturang mga kompanya ng langis maliban sa Cleanfuel  na sisimulan ang price adjustment ng alas-12:01 ng madaling araw.