Hulihan sa motorcycle lane sa Commonwealth, simula na sa Lunes
MANILA, Philippines — Mula sa Lunes, Marso 27 ay sisimulan na ng Metro Manila Development Authority (MMDA) ang paghuli sa mga motoristang papasok sa motorcycle lane sa Commonwealth Avenue sa Quezon City.
Ayon sa MMDA, sapat na ang panahon na ibinigay ng ahensiya para maintindihan ng mga motorista ang tungkol sa paggamit sa exclusive motorcycle lane sa Commonwealth Avenue.
Sa isinagawang dry run dito, mayroong 18,869 motorista ang nasita sa motorcycle lane mula March 9 hanggang March 23.
Base sa datos ng MMDA, 4,175 sa mga nasita ay mga motorcycle riders at 14,694 naman ay pawang four-wheel vehicles mula sa Elliptical Road hanggang Doña Carmen at vice versa.
Magugunitang pinalawig ng MMDA ng isang linggo pa ang dry run ng exclusive motorcycle lane sa Commonwealth Ave- nue upang bigyan-daan ang isinasagawang road patch works ng Department of Public Works and Highways (DPWH) sa nasabing kalsada at tuloy lubos na maintindihan ng mga motorista ang pagkakaroon ng naturang lane sa nabanggit na lugar.
- Latest
