Transport strike tagumpay - PISTON
MANILA, Philippines — Naparalisa ng tigil- pasada ang mga ruta ng pampasaherong jeep sa Metro Manila, kahapon.
Ayon sa militant transport group na Pinagkaisang Samahan ng mga Tsuper at Operator Nationwide (PISTON) alas- 10 pa lamang ng umaga kahapon ay wala ng jeep at UV express na pumasada sa ilang ruta sa Navotas hanggang Divisoria, Recto, Monumento, Malabon, Pateros-Pasig at Zapote-Paliparan, habang may 99.9 percent ang hindi pumasada sa kahabaan ng E. Rodriguez na may rutang Cubao-Quiapo, Kalaw-Project 2-3.
Ayon sa Piston, karamihan ng mga ruta ng jeep at UV express ay paralisado tulad sa ruta ng Baclaran Metrobank- 90 percent paralisado, Novaliches-Blumentritt- 80 percent paralisado, Pasay-90 percent, Palapala Imus 70 percent, Los Baños-Calamba -95 percent, Calamba - 80 percent, Cabuyao-95 percent, Antipolo at Junction Crossing-90 percent paralyze at Cogeo-Cubao-80 percent.
Ito sa kabila ng pahayag naman ni Engr. Joel Bolano, technical division head ng Land Transportation Franchising and Regulatory Board (LTFRB) mayroon lamang na 10 percent ng mga ruta sa Metro Manila ang naapektuhan ng tigil pasada.
Anya may nailaan namang mga libreng sakay ang pamahalaan para serbisyuhan ang mga mae-stranded na pasahero.
Related video:
- Latest
