MANILA, Philippines — Sugatan ang tatlo katao matapos araruhin ng humaharurot na pampasaherong jeep sa Brgy. Pasong Putik, Farview, Quezon City, kamakalawa ng gabi.
Base sa kuha ng CCTV, makikitang paharurot ang jeep nang bumangga sa barrier sa kalsada hanggang sa tumawid sa kabilang lane at masapul ang motorcycle rider bago bumangga sa pader.
Tumama sa semento ang ulo ng rider at nasapul din ng jeep ang dalawang katao.
Bukod dito, tinamaan din ng jeep ang nakaparadang motorsiklo.
Agad na tumakas ang hindi nakilalang drayber ng jeep matapos ang insidente.
Dinala na sa ospital ang tatlo para malapatan ng lunas.