Nasunugang pamilya sa Quezon City inayudahan ni Mayor Joy Belmonte

MANILA, Philippines — Binigyan ng pinansyal na tulong ni Quezon City Mayor Joy Belmonte ang mga pamilyang nasunugan sa Brgy. Tatalon, Mariblo, at San Vicente sa lungsod.

Ayon kay Belmonte, bawat biktima ay nakatanggap ng P10,000 para sa mga house owner at P5,000 para sa renters o sharers.

Bago tumanggap ng financial assistance, sumailalim muna ang mga ito sa verification para matiyak na ang mga talagang naging biktima ng sunog ang Siyang makakatanggap ng ayuda.

Nauna nang nabigay ng material assistance at food packs mula sa pamahalaang lungsod at barangay ang mga pamilyang nasunugan.

Tiniyak din ni Belmonte sa mga residente ng QC na palaging nakaagapay ang lokal na pamahalaan sa mga ito lalo na sa panahon ng pangangailangan.