MANILA, Philippines — Patay ang isang estudyate ng Polytechnic University of the Philippines (PUP) nang tumbukin at saka takbuhan ng isang tricycle na nag-overtake kamakalawa ng gabi sa Caloocan City.
Dead-on-the-spot ang biktima na si Jimmy Santiago III, 21.
Batay sa imbestigasyon ng Caloocan City Police naganap ang insidente dakong alas- 10:30 ng gabi sa Langit Road, North Caloocan.
Nabatid na nawalan ng balanse sa kanyang sinasakyang motorsiklo ang biktima kung saan tiyempo naman na nag-overtake ang isang tricycle na sinalpok ito. Tumilapon sa kalsada si Santiago, gayunman imbes na tukungan ay tinakbuhan pa ng tricycle driver.
Gagamitin ng pulisya ang mga CCTV sa lugar upang matukoy ang pagkakakilanlan ng suspek.