Galing Pook Award, naibuslo ng Quezon City

MANILA, Philippines — Naibuslo ng Quezon City government ang ‘Ga­ling Pook Award’ dahil sa kanilang multi-sectoral and community-based food security initiative  na tinawag na GrowQC: Kasama ka sa Pag-unlad sa Pagkain, Kabuhayan, at Kalusugan Food Security Program ngayong taon.

“Sa ngalan po ng mga mamamayan ng Lungsod Quezon lalung-lalo na sa ating urban farmers, kami po ay nagpapasalamat sa pagkilala sa aming programa na ipinanganak lamang sa panahon ng pandemya upang makapagbigay kami ng masustansyang pagkain nang hindi umaasa lamang sa mga de lata at pagkain na ipinamimigay,” pahayag ni  Mayor Joy  Belmonte.

Nakopo ng programa ang United Nations Sustainable Development Goals (SDG) #2-Zero Hunger, SDG#3-Good Health & Well-being, SDG#8-Decent Work & Economic Growth, and SDG#17-Partnership para sa  Sustainable Development Goals.

“This program is a testament that we can be self-reliant even if we are in a highly-urbanized city. Ang GrowQC ay hindi lamang urban farming, tinitingnan din nito ang mas magandang pagdaloy ng pagkain “ sabi ni Belmonte.

Bahagi ng improved Food Systems ay ang paglikha sa community-level food hubs at markets na pinapayagan ang mga agricultural raw materials na maging available at dagdag pagkukunan ng pagkakakitaan.

“ Patuloy po nating tangkilikin ang GrowQC local urban farmers at food producers upang magkaroon tayo ng ligtas, abot-kaya, at masustansyang pagkain,” ayon naman kay Sustainable Development Affairs Unit Head Emmanuel Hugh Velasco.

Ang dalawang iba pang programa ng QC ay ilan din sa top 22 finalists ng Galing Pook awards. Isa dito ay  ang  Quezon City Human Milk Bank (QCHMB) at ang isa ay ang  Kabahagi Center for Children with Disabilities  na tumutulong sa mahihirap na kabataang may kapansanan at kanilang mga pamilya.