Liquor ban sa Valenzuela, inalis na

MANILA, Philippines — Pinapayagan na  ng  pamahalaang lungsod ng Valenzuela ang pag-inom at bentahan ng  alak bagama’t nasa  Alert Level 4 ang Metro Manila.

Ayon kay Valenzuela City Mayor Rex Gatcha­lian, pinawawalang bisa na ang Stay Sober ­Ordinance sa lungsod.

Gayunman, ipinagbabawal pa rin ang mga social gatherings o kumpulan. Kailangan pa ring  panatilihin ang  social distancing

Hindi rin papayagan ang  tagay o hiraman ng mga baso sa inuman, at iba pang kagamitan.

Marami naman ang nagpahayag ng pangamba posibleng muling lumobo ang mga kaso ng COVID-19 sa lungsod dahil sa inaasahang magiging paglabag sa mga health protocols.

Ayon sa ilang mga residente, nawawala na  sa katinuan ang isang indibiduwal kung nasa ilalim ng impluwensiya ng alak.