MANILA, Philippines — Dahil sa isyu ng protocol violation, sinibak ni Caloocan City police chief Col. Samuel Mina ang hepe ng Caloocan Police Sub-Station 9 na si Police Major Harold Aaron Melgar na siyang nakakasakop sa Gubat sa Ciudad resort.
Ang pagkakasibak ni Melgar ay kasunod ng pagpapasara sa resort na nahuling nagpapasok ng mga guest noong ‘Mothers Day’ bagama’t nasa modified enhanced community quarantine ang NCR.
Papalitan si Melgar ni P/Lieutenant Ronald Jasmin Batalla na assistant chief, patrol section.
Ayon kay Mina, iimbestigahan nila kung mayroong kapabayaan o pagkukulang sa panig ni Melgar kung saan sakop nito ang nasabing resort.
“Relief and transfer is already a form of disciplinary measure but on my part, pinapaimbestigahan ko pa ‘yung negligence niya sa pag-supervise ng area of responsibility niya,” ani Mina.