MANILA, Philippines — Pinagbabaril hanggang sa mapatay ng riding-in-tandem ang isang mag-ina na dadalo sana sa birthday party sa Malabon City, kamakalawa ng gabi.
Dead-on-the-spot sina Luz Garcia, 62 at anak na si Ferdinand, kapwa residente ng Hernandez St. Brgy. Catmon, Malabon.
Sa inisyal report na tinanggap ni Malabon City police chief P/Col. Jessie Tamayao, naganap ang insidente bago mag-alas-6 ng gabi sa kahabaan ng Dulong Hernandez St., Brgy. Catmon.
Ipinaparada ng mag-ina ang kanilang electric bike sa harap ng isang sari-sari store para bumili ng sigarilyo nang biglang sumulpot ang isa sa mga suspek at pinaputukan ang mga biktima sa iba’t ibang bahagi ng katawan.
Nang makitang bu-mulagta ang mag-ina, agad na tumakas ang suspek at sumakay sa naghihintay na motorsiklo.
Sa imbestigasyon ni homicide investigators P/SSgt. Jeric Tindugan at P/SSgt. Jose Romeo Germinal II, dadalo ang mga biktima sa birthday celebration ng biyenan ni Ferdinand.
Patuloy naman ang follow-up imbestigas-yon ng pulisya sa motibo at pagkakilanlan ng mga suspek.