MRT-7, 59% nang kumpleto-DOTr

MANILA, Philippines — Halos 59 porsiyento na ang completion rate ng konstruksiyon ng Metro Rail Transit Line 7 (MRT-7).

Ito ang inianunsiyo ng Department of Transportation (DOTr) sa kanilang Facebook account.

Ayon sa DOTr,  Agosto, 2001 nang unang isumite ang MRT-7 Unsolicited Proposal sa noon ay Department of Transportation and Communications (DOTC) pa, at Agosto 2008 naman nang mangyari ang MRT-7 Concession Agreement Signing.

Gayunman, inabot pa ng 20 taon bago naumpisahanang aktuwal na konstruksyon ng proyekto.

Ayon sa DOTr, 58.95 porsiyento nang kumpleto ang 22-km rail line at target nilang makumpleto ito sa 2022.

Sa sandaling matapos na ang MRT-7, inaasahan na ang biyahe mula North Avenue sa Quezon City hanggang sa San Jose Del Monte, Bulacan ay aabutin na lang ng 35-minuto mula sa kasalukuyang dalawa hanggang tatlong oras.