MMDA chief positibo sa COVID
![MMDA chief positibo sa COVID](https://media.philstar.com/photos/2020/03/28/jojo_2020-03-28_20-07-47.jpg)
MANILA, Philippines — Positibo sa sakit na coronavirus disease 2019 (COVID-19) si Metro Manila Development Authority (MMDA) General Manager Jojo Garcia.
Sinabi ni Garcia sa isang pahayag kahapon na sa bahay siya magtatrabaho dahil nalaman niyang positbo siya sa COVID-19.
Dahil dito, ipinapayo din ni Garcia na dapat ding mag-self quarantine ang mga nakahalubilo niya noong Marso 20, 2020 partikular sa isinagawang turn-over ni Senator Manny Pacquiao sa limang tourist bus sa flagpole area ng MMDA, sa Guadalupe, Nuevo, Makati City, na dinaluhan din ng iba pang opisyal at peronnel ng MMDA at mga mamamahayag.
Ang 5 tourist bus na ipinahiram sa senador ay kabilang ngayon sa ginagamit na service vehicle ng MMDA para sa libreng sakay ng essential workers dahil sa kawalan ng masasakyan sa panahon ng Enhanced Community Quarantine.
Marso 23 nang kusang nagpa-quarantine si Garcia matapos malaman na isa sa nakasama sa isang pagpupulong ay nagpositibo sa coronavirus disease 2019 (COVI-19).
- Latest