Trillanes, nagpiyansa sa kasong sedition
QUEZON CITY, Philippines — Nakapaglagak na ng piyansa si dating senator Antonio Trillanes para pansamantalang makalaya kaugnay ng kinasasangkutang kasong conspiracy to commit sedition.
Si Trillanes ay agad nagtungo sa QC Metropolitan Trial Court Branch 138 para magpiyansa ng P10,000 batay sa rekomendasyon ng korte para makalaya.
Ang dating Senador ay kababalik lamang ng Pilipinas kahapon mula sa ibang bansa.
Si Trillanes ay kapwa akusado ni Peter Joemel Advincula, alyas Bikoy hinggil sa alegasyong pakikipag sabwatan umano para pabagsakin ang pamahalaang Duterte.
Naisampa ang kaso nang pasabugin ni Bikoy sa kanyang “Ang Totoong Narcolist” videos na nag-uugnay kay Pangulong Rodrigo Duterte at pamilya nito sa illegal drug trade.
Una nang naglagak ng piyansa ang iba pang akusado sa kasong ito.
- Latest
