MANILA, Philippines — Nagsilbing susi ang matalas na pang-amoy ng isang K-9 dog matapos na maaresto ang isang computer technician ng high grade na marijuana sa operasyon sa Quezon City kahapon ng madaling araw.
Nakilala ang nada-kip na si Charles Edward Cabling, 27 ng Blk 3, Lot 3, Taurus St., Brgy. Banlat ng lungsod.
Sinabi ni Montejo na inaresto si Cabling ni Carl Jerome Caparas isang K-9 dog handler sa UP Diliman.
Ayon kay Caparas, bandang alas-2 ng madaling araw habang nagsasagawa siya ng pagpapatrulya sa likod ng UP Main Library kasama ang kanyang K-9 dog na si Vodka nang madiskubre ang ‘kush’ o marijuana.
Inupuan umano ni Vodka ang nakaparadang motorsiklo na napag-alamang pag-aari ni Cabling na agad naman niyang sinuri. Nakumpiska mula kay Cabling ang isang ziplock ng tuyong dahon ng marijuana, isang metal tube pipe silver at glass pipe dahilan para siya ay arestuhin ni Caparas.