Metro Manila kasama sa dry spell list

MANILA, Philippines — Isa ang Metro Manila sa limamput-limang mga lugar sa bansa ang nasa  dry spell  list ng PagAsa na epekto ng  El Niño phenomenon.

Ayon kay Analiza Solis, Chief Climate Information Monitoring and Prediction ng PagAsa ang naturang mga lugar  na nasa dry spell ay makakaranas ng drought condition   kung ang naturang mga lugar ay  patuloy na hindi makakaranas ng pag ulan.

Anya, kailangang dumanas ng sapat at normal na pag-ulan ang naturang lugar bago sumapit ang Abril, dahil kung hindi, sa katapusan ng Abril ay maaaring  matindi ang mararanasang tagtuyot  sa Metro Manila at iba pang mga lugar sa  bansa.

Kaugnay nito, may 8 lalawigan sa Luzon, isa sa Visayas at 7 sa Mindanao ang nasa ilalim sa “Meteorological Drought” condition na  nakaranas ng mahigit 60 percent ng rainfall reduction mula noong Enero.

Gayunman, sinabi ni Solis na dahil sa matinding init ng temperature ay maaaring makaranas ng panandaliang pag-ulan sa  bansa dulot ng localized thunderstorm.