Trader na isinasangkot sa P6.4 bilyon puslit na shabu, tiklo ng NBI

MANILA, Philippines — Dinakip kahapon  ng  mga tauhan ng National Bureau of Investigation (NBI) ang isang negosyante na isina­sangkot sa nakalusot na P6.4 bilyon shabu sa Bureau of Customs noong Mayo 2017.

Kinumpirma ni NBI Anti-Drug Division head Joel Tuvera na nasa kus-todiya na nila si Dong Yi Shen,  alyas Kenneth Dong.

Hindi na nagbigay ng ka­ragdagang detalye si Tuvera kung saan o paano nangyari ang pag-aresto.

Nakatakdang iprisinta    si Dong bukas sa isang press conference.

Sinasabing si Dong ang middleman sa pagkakapuslit ng higit P6 bilyong pisong halaga ng shabu sa Valenzuela City noong 2017.

Pinabulaanan naman ng negosyante ang paratang.