Sunog sa Maynila: 75 pamilya naapektuhan

MANILA, Philippines — Mahigit  75 pamilya ang naapektuhan  ng magkasunod na sunog na naganap sa Port Area at Tondo, Maynila, kahapon ng umaga.

 Unang sumiklab ang sunog sa residential  area sa Yuseco St., Brgy. 221, Zone 21 sa Tondo, dakong alas- 7:45 ng umaga na tumagal lamang ng isang oras dahil sa maagap na pagresponde ng mga bumbero.

Nasa pitong bahay lamang ang natupok na tinitirhan ng 15 pamilya. Mas marami naman ang naapektuhan ng sunog na nagsimula alas-11:00 ng umaga kahapon sa Aplaya, Baseco Compound, Brgy. 649, Zone 68 sa Port Area. Ayon kay  Superintendent Jonas Silvano ng Bureau of Fire Protection (BFP), inaalam pa ang sanhi ng sunog sa may 20 kabahayan.

Inaalam pa rin kung magkanong halaga ng mga ari-arian ang natupok.