MANILA, Philippines — Magpapatupad ngayong araw (Nov. 1) ng big time price rollback sa Liquefied Petroleum Gas (LPG) ang ilang kompanya ng langis.
Ang rollback ay pinangunahan ng Petron Corporation at epektibo alas-12:00 ng madaling araw ay bumaba na sa P7.50 ang kada kilo ng Gasul at Fiesta Gas katumbas ng P82.50 na tapyas sa bawat 11 kilogram na tangke ng LPG nito.
Nasa P4.20 kada litro ang bawas sa auto-LPG na ginagamit naman sa mga taxi.
Ang bagong price rollback ay bunsod ng pagbaba ng contract price ng LPG sa pandaigdigang pamilihan para sa buwan ng Nobyembre.