3 timbog, 2 pa binitbit sa nakumpiskang shabu
MANILA, Philippines — Sinalakay ng mga tauhan ng Manila Police District-Station 10 ang isang residential house, sa Sta. Maria, Paco, Maynila, kahapon ng hapon.
Sa ulat mula sa tanggapan ni Supt. Robert Domingo, hepe ng MPD-Station 10, nag-aplay sila ng search warrant at inisyuhan naman ni Manila Regional Trial Court Branch 32 Judge Thelma Bunyi-Medina, kaugnay sa mga impormasyong pagbeben-ta ng iligal na droga sa Green Village, Barrio Sta. Maria, Paco.
Ala-1:45 ng hapon nang salakayin sa pangunguna ni Senior Insp. Edwin Fuggan ang bahay ng mga suspek na sina Jerald Mark Lara, Danilo Lara, at Jesus Lara at inabutan din sa bahay nila ang dalawang babae na isinasailalim sa beripikasyon.
Narekober sa drawer ng bahay nila ang ilang sachets ng shabu na nagkakahalaga ng P60,000 bukod pa sa nakumpiskang kalibre .38 at isang replica ng kalibre .45 sa isa sa mga kuwarto ng bahay.
Nabatid na pakay lamang sa search warrants ang mga droga at ang nagtutulak umano na si alyas “Jayjay”.
- Latest
