7 miyembro ng pamilya arestado sa shabu
MANILA, Philippines — Pitong magkakamag-anak kabilang ang isang menor de edad ang naa-resto sa isinagawang buy bust operation sa Tondo, Maynila kamakalawa ng gabi.
Ang mga naaresto ay kinilalang sina Danilo Manansala,40; Virgilio Magno, 34; Carlo Magno, 36; Rosanna Odayat, 32; Jelly Ann Nedroda, 24; Jayson Odayat, 36 at isang 15-anyos na dalagita.
Batay sa ulat, pinasok ng mga pulis ang bahay ng mga suspek na matatagpuan sa Interior 44, Laong Nasa St., matapos makabili ang poseur buyer ng isang sachet ng shabu sa isa sa mga suspek.
Nasamsam ng mga pulis ang 19 sachet ng shabu na may street value na P282,000; drug paraphernalias, timbangan, P2,000 marked money at caliber 45 pistol.
Nabatid na ang Magno Group ay isa sa pinanggagalingan ng droga sa lugar at sangkot din ang grupo sa gun for hire.
Ang anim ay kinasuhan sa paglabag sa anti-illegal drug act at illegal possession of fire arms habang ang menor de edad ay dadalhin sa DSWD.
- Latest
