MANILA, Philippines – Dating Pinoy Big Brother winner na si Slater Young, engaged na sa fashion blogger na si Kryz Uy.
Inanunsyo nitong Miyerkules nina Young at Uy ang balita habang sila’y magkasama sa Niseko sa Japan.
Sa isang post ni Uy sa kanyang Instagram account, ibinahagi nito ang litrato ng kanyang engagement ring na may caption na: “Once in a while, right in the middle of life, love gives us a fairytale. I love you.”
“Here’s to forever with you, love,” ani Young sa kanyang IG account.
Si Uy ay isang lifestyle at travel blogger at author ng librong Behind the Blog at ng website na www.kryzuy.com samantalang nakilala naman si Young matapos nitong manalo sa Kapamilya reality show na Pinoy Big Brother noong 2012.