MANILA, Philippines - Dedo ang isang 21-anyos na lalaki makaraang pagbabarilin ng motorcycle rider habang ang una ay nakatayo malapit sa isang paaralan sa Quezon City, kamakalawa ng gabi.
Sa ulat ni PO3 Roldan Cornejo, may-hawak ng kaso, ang biktima ay nakilalang si Gerald Inigo, ng Sitio Pajo, Brgy. Baesa, sa lungsod.
Mabilis namang tumakas ang salarin na nakasuot ng helmet at kulay itim na jacket makaraang isagawa ang krimen.
Nangyari ang insidente sa harap ng Pugad Lawin High School, Brgy. Bahay Toro, dakong alas-7:45 ng gabi.
Sa kasalukuyan, patuloy ang imbestigasyon ng otoridad sa naturang insidente upang mabatid ang motibo sa krimen.