Street sweeper, todas sa trader
Namatay habang isinusugod sa Ospital ng Sampaloc si Marvin Pizarras, 35 ng No. 976 Basilio St. Sampaloc, Maynila. Agad namang sumuko sa pulisya matapos tumawag sa 117 ang suspek na si Domingo Jamero Jr., residente ng 973 Basilio St. Sampaloc, Maynila. File photo
MANILA, Philippines – Isang street sweeper ang binaril at napatay ng isang negosyante kamakalawa ng hapon sa Sampaloc, Maynila.
Namatay habang isinusugod sa Ospital ng Sampaloc si Marvin Pizarras, 35 ng No. 976 Basilio St. Sampaloc, Maynila. Agad namang sumuko sa pulisya matapos tumawag sa 117 ang suspek na si Domingo Jamero Jr., residente ng 973 Basilio St. Sampaloc, Maynila.
Nag-ugat umano ang pagsasagutan ng suspek at biktima dakong alas-5 ng hapon nang sitahin ng una ang huli dahil sa madalas umanong paghaharang ng kariton ng biktima sa driveway ng kanyang bahay.
Nabatid na ilang beses na umano niyang pinagsabihan ang biktima na huwag iharang sa kanilang driveway ang kariton ng basura pero sa halip na sumunod ay pinagbabato pa siya nito.
“Pinagbabato niya ako, hindi ko naman intensiyon na patayin siya gusto ko lang sana na patamaan sa mas mababang parte ng katawan para tumigil na siya kaso noong dumampot uli siya ng bato, dun ko nakalabit yung trigger kaya tinamaan siya sa likurang bahagi ng kanyang ulo”, ayon sa suspek.
Inihahanda naman ni PO3 Aldeen Legaspi, ng MPD-Homicide Section,ang pagsasampa ng kasong homicide laban sa suspek sa Manila Prosecutors Office (MPO).
Inilipat ang bangkay sa Prudential Funeral para sa awtopsiya.
- Latest
