MANILA, Philippines – Utas ang isang 96-anyos na lola matapos hindi makalabas sa loob ng kwarto ng kaniyang nasusunog na bahay sa Taguig City ngayong Biyernes ng umaga.
Nakilala ang biktimang si Manuela Buquel, may-ari ng nasunog na bahay sa kalye ng Apag.
Umabot sa unang alarma ang sunog na nagsimula ganap na 10:33 ng umaga at kaagad kumalat.
Nakaresponde naman ang Taguig Central Fire Station na naapula ang sunog ganap na 11:11 ng umaga.
Hindi pa naman matiyak ng mga awtoridad kung magkanong halaga ng ari-arian ang natupok.
Natagpuan ang sunog na bangkay ni Buquel sa loob ng kwarto.
Inaalam pa ng mga imbestigador kung nasawi ba si Buquel dahil sa smoke inhalation o sa sunog.