MANILA, Philippines - Patay ang isa umanong babaeng asset ng pulis makaraang pagsasaksakin ng icepick at hatawin pa ng matigas na bagay sa ulo ng hindi natukoy na mga salarin sa lungsod Quezon, kamakalawa ng gabi. Ayon kay PO1 Raldwin Sanchez, ang biktima ay nakilalang si Sarah Villanueva, 32, ng Barangay Gulod Novaliches sa lungsod.
Sabi ng imbestigador, nahirapan silang makakuha ng detalye hingil sa pagkatao ng mga salarin dahil wala man lang sa mga residente ang nais na magsalita kaugnay sa krimen. Nangyari ang insidente sa harap ng isang terminal ng pedicab na matatagpuan sa Masaya st., Brgy. Gulod, ganap na alas-7 ng gabi.
Lumilitaw sa pagsisiyasat ng Scene of the Crime Operation (SOCO) na ang biktima ay nagtamo ng multiple punctured wounds sa kanyang katawan, maging ang mukha nito ay depormado at basag din ang bungo nito. Patuloy ang pagsisiyasat ng otoridad hingil sa insidente.